Վիպակը գրականության էպիկական կամ պատմողական ժանրի տեսակներից մեկն է, որը միջին տեղ է գրավում վեպի և պատմվածքի միջև։ Գործող անձանց թվով, կյանքի ընդգրկման ծավալով վիպակն ավելի մեծ է պատմվածքից և նորավեպից, բայց փոքր՝ վեպից։ Վեպի մի շարք գծեր հատուկ են նաև վիպակներին, և առհասարակ՝ վիպակն ու վեպը խստորեն սահմանազատել հնարավոր չէ։ Վիպակի մեջ ևս կարող են լինել սյուժետային մի քանի գծեր, էպիկական շարադրանքը կարող է տոգորվել քնարական կամ դրամատիկ շնչով։
Վիպակի նմուշներ են Ալեքսանդր Պուշկինի «Դուբրովսկին», Նիկոլայ Գոգոլի «Տարաս Բուլբան», Պրոսպեր Մերիմեի «Կարմենը», Մուրացանի «Առաքյալը», Ալեքսանդր Շիրվանզադեի «Նամուսը» և այլն։ Կան վիպակներ էլ, որոնք ծավալի և ժանրային առանձնահատկությունների տեսակետից երբեմն համարվում են նաև պատմվածք (օրինակ՝ Մուրացանի «Նոյի ագռավը», Շիրվանզադեի «Կրակը»)
Առաջադրանք
Կարդա՛ Ալ․ Շիրվանզադեի «Կրակը» վիպակը։
Արտահայտի՛ր վերաբերմունքդ ստեղծագործության՝ որպես վիպակի, ժանրային առանձնահատկությթւնների վերաբերյալ։